Author name: ISART

Í dag fékk Þjórsárskóli vottun sem ART skóli.
Forsendur slíkrar vottunar eru að ART sé kennt á öllum stigum skólans, allir starfsmenn séu kunnugir ART og geti nýtt ART verkfærin með nemendum, ART efni sé sýnilegt í námskrá sem og á veggjum skólans, ART sé reglulega í símenntunaráætlun skóla og allir nemendur þekki ART og geti nýtt ART verkfærin eins og hvert og eitt er fært um.

Við í ART teyminu óskum Þjórsárskóla innilega til hamingju með vottunina og hlökkum til áframhaldandi samstarfs.

Ágústmánuður einkenndist af ART réttindanámskeiðum og er óhætt að segja að þau hafi einkennst af gleði enda einstaklega áhugasamt og jákvætt fólk sem sótti þau. Námskeið voru haldin í Borgarbyggð, á Selfossi og í Reykjavík. 60 þátttakendur mættu til okkar og við í ART teyminu erum afskaplega ánægð með að fá þessa flottu viðbót í ART þjálfarahópinn eftir að þjálfun þeirra á vettvangi lýkur síðar í vetur.

Næstu námskeið verða haldin í Suðurnesjabæ í nóvember og á Selfossi, Egilsstöðum og vonandi Akureyri í janúar.

Selma Harðardóttir, uppeldis- og menntunarfræðingur, hefur hafið störf sem ráðgjafi hjá ART teymi Suðurlands. Selma hefur starfað við kennslu í grunnskóla og er ART þjálfari. Selma er góð viðbót við teymið og við bjóðum hana velkomna til starfa.