Nú þegar haustlægðirnar eru komnar yfir landið hefst undirbúningur fyrir vorönn 2027 í Fjölskyldu ART. Við erum byrjuð að taka við umsóknum og þurfa þær að berast ART teyminu í síðasta lagi 4. desember nk. Við viljum vekja athygli á því að búið er að uppfæra gátlista og umsóknareyðublöð hér á síðunni og biðjum ykkur að nota þau. Ef einhverjar spurningar eru varðandi Fjölskyldu ART og/eða umsóknarferlið þá hvetjum við ykkur til að hafa samband og við aðstoðum.

Það hefur verið nóg um að vera hjá ART-teyminu síðustu vikur og haustið fer sannarlega skemmtilega af stað!

Við höfum haldið tvö ART-réttindanámskeið, eitt á Selfossi og annað á Akureyri. Það er virkilega ánægjulegt að sjá áhugann á ART og gaman að fylgjast með nýjum ART-þjálfurum bætast í hópinn víða um land.

Við fengum svo tækifæri til að deila reynslu af ART með starfsfólki skóla á Fræðsludegi Árborgar þann 20. ágúst. Þar hélt ART-teymið vinnustofu fyrir starfsfólk leik- og grunnskóla þar sem Selma Harðardóttir fjallaði um ART út frá eigin reynslu. Hún sagði frá því hvernig hún hefur nýtt ART í kennslu, hvernig hægt er að flétta ART inn í daglegt skólastarf og hvaða áhrif það hefur haft á nemendahópinn og hana sjálfa sem kennara.

Það er  ánægjulegt að fá tækifæri til að deila reynslu og hugmyndum um hvernig ART getur orðið hluti af daglegu starfi og sjá áhugann á því að nýta ART víðar.

Við hlökkum til áframhaldsins og allra þeirra spennandi verkefna sem fram undan eru í haust!