Hildur Bjargmundsdóttir hefur verið ráðin til starfa í ART-teymi Suðurlands og mun hún hefja störf þann 1. ágúst næstkomandi. 

Hildur býr yfir mikilli menntun og reynslu á sviði kennslu og skólamála. Hún er með B.Sc. gráðu í landafræði og kennsluréttindi fyrir bæði grunn- og framhaldsskóla. Þá er hún með M.T. gráðu í menntun án aðgreiningar. Frá árinu 2004 hefur Hildur starfað við kennslu í grunnskólum og því vel kunnug þeim áskorunum og tækifærum sem fylgja skólastarfi. Hún hefur undanfarin ár gegnt starfi deildarstjóra sérkennslu við Stekkjaskóla á Selfossi og verið hluti af stjórnendateymi skólans frá því hann var opnaður.

Við bjóðum Hildi hjartanlega velkomna til starfa í ART-teymi Suðurlands.

ART teymið hefur fengið nýtt logo sem við í teyminu erum afar stolt af. 
Logoið táknar fjölskylduna þar sem barnið er miðdepillinn enda vinnum við alltaf út frá hegðun og líðan barnsins. Hringurinn utan um fjölskylduna táknar það að öll fjölskyldan tekur þátt í vinnunni saman. 

Í haust, 17. ágúst mun ART teymi Suðurlands bjóða upp á upprifjunarnámskeið fyrir ART þjálfara.
Rifjaðar verða upp kennsluaðferðir og verkfæri ART og er þetta tilvalið fyrir þau sem ekki hafa nýtt ART um einhvern tíma og vilja koma sér í gírinn á nýjan leik.
Skráning á upprifjunarnámskeiðið fer fram hér