ART-teymið á Suðurlandi

Síðasti skiladagur umsókna fyrir fjölskyldu-ART á vorönn 2021 er miðvikudagurinn 2. desember til 16:00. Umsóknir skulu sendar á ART teymið Austurvegi 56, 800 Selfoss. Umsóknareyðublaðið má finna hér á heimasíðunni og gátlistar sem þurfa að fylgja með eru einnig á heimasíðunni. 

Fjölskyldu-ARTið er afar hentugt fyrir börn sem til dæmis standa illa félagslega, eiga í erfiðleikum með samskipti við aðra, hafa lágt sjálfsmat, veika sjálfsmynd, eiga erfitt með sjálfstjórn, kunna ekki að setja sér mörk, eru kvíðin eða eru slök í siðferðishugsun.

Hafið samband við ART teymið fyrir frekari upplýsingar.

Næstu ART-réttindanámskeið verða haldin í haust. Eitt námskeið hefur verið sett á Selfossi dagana 11 – 13 ágúst og annað á Austfjörðum dagana 17- 19 ágúst. 

Opið er fyrir skráningar á netfanginu sigridur@isart.is 

Vegna samkomubanns og annarra tilmæla frá Almannavörnum íslenska ríkisins mun ART teymið leggja sitt af mörkum og aðlaga störf sín að ástandinu í samfélaginu. Þó svo að skólar á Suðurlandi muni starfa áfram að mismiklu leyti teljum við ekki forsvaranlegt að starfsmenn teymisins séu að ferðast á milli skóla til að sinna skjólstæðingum. Einnig teljum við ekki skynsamlegt að halda áfram með fjölskyldu ART hópa að svo stöddu – við munum þjónusta fjölskyldurnar í hópunum áfram eftir bestu getu í gegnum fjarskipti. Staðan verður endurmetinn vikulega.

Sigríður, Katrín og Gunnar